قديم ؟
ادري حدي قديم !
يمكن محد يقرى هالبوست، ما ألومكم قطعت فجأة جذي .. أنا آسف !
إسمحولي كل الي دزولي إيميلات و كومنتس و مارديت عليهم .. آسف !
الفترة الي طافت حاولت ابتعد عن كل شي و أركز على ( ناصر )!
كان يحوشني شعور اني ماعرف هالشخص الي ساكني واحس انه في روح مدفونه تحت طبقات الحياة اليومية الي عودت نفسي عليها و إعتقدت انها اهي - ناصر - !
هالشي مو سهل نكتشفه لان الإنسان طوع ما تعود عليه ، فحياتنا اليومية و كل شي نعرفه عن نفسنا مو شرط يكون صحيح ،اهي مجرد قناعات تشكلت عندنا بمرور الزمن يمكن تكون صح بس هم يمكن تكون غلط !
مرات لازم نجرب نعيش مع روحنا شوي ، نجرب نعيش العزلة الشعورية عن كل شي إلا نفوسنا ، نعيش مع هالنفس الي تمثل جوهر شخوصنا و نتعرف عليها عدل ...
جربوا تنسون الدنيا كلها و تعيشون مع نفوسكم ساعة .. ساعتين .. يوم !
راح تكتشفون شغلات وايد عن نفسوكم ما كنتوا تعرفونها ..
تخلصوا من العالم و الناس الي شكلوا قشوركم الخارجية الي سجنت و قمتت ارواحكم الجميلة :)
أدري مو وايد لكن حبيتكم تعرفون شاللي خذاني عن البلوق طول الفترة الي طافت :)
مشتاق لكم .. بس للأسف ما قدر اوعدكم اكتب وايد في شغلات وايد تغيرت فيني و ماضمن اني اظل اكتب مثل أول ..
وصلو لي رسالة حق خروفة ترى من زمان عنج و اشتقنا لج و لبوستاتج بس مو راضي يبطل بلوقج عندي !!
hope u all enjoy a very nice summer
take care
peace
n a 9 i r
8 comments:
ميس يو وايد
وولهنا على كلماتك
اقولك شي
الغريب انك لما ابتعد عرفت نفسك
او تعرفت على الروح اللي تسكنك
اما انا
لما سويت البلوق
عرفت نفسي عدل
مو مهم الوسائل
او حتى الزمن اللازم
المهم بالنهايه انك ترتاح مع ذاتك وتعرفها عدل
عشان لين مر فيك العمر ماتكتشف اشيا او تتمنى انك سويت شي او حققت حلم ببالك
ولكم باك ناصر
مس يو العافية :)
الإنسان جانبين جانب ظاهري و جانب مخفي داخلي !
انا يوم تكلمت عن نفسي كنت اشوف نفسي وايد متواصل مع الجانب الخارجي مني و ناسي الداخلي !
فلازم يكون في توازن الإنسان لازم يعرف جوانب حياته كلها ..
يمكن تكونين انتي ارتبطتي بالجانب الداخلي من حياتج لوقت طويل و يوم بطلتي البلوق بديتي تتواصلين مع المحيط الخارجي !!
التفلسف حول هالموضوع ما يخلص :))
لكن بالنهاية مثل ما قلتي مو مهم الوسيلة المهم نوصل للنتيجة الي نبيها ..
منورة البلوق :)
الـسـلام عـلـيـكـم :)
أول شي نقولك ولكم باك نـاصـر..!
صج ان اشتقنا حق كتاباتك الجميله، بس زين تسوي..
أهم شي أن الواحد يكون فاهم نفسه و عارف اهو شنو يبي من نفسه و من الناس و الدنيا.. و بعدها يقدر يسوي الي يبي و اهو مرتاح و يوصل حق كل الي يطمح له..
شدني وايد الكلام الي قلته، خاصه هالجملتين:
___
مرات لازم نجرب نعيش مع روحنا شوي ، نجرب نعيش العزلة الشعورية عن كل شي إلا نفوسنا ، نعيش مع هالنفس الي تمثل جوهر شخوصنا و نتعرف عليها عدل ...
___
فعلا كل واحد فينا يحتاج ان يسوي هالشي، و مو مره وحده بس! لا! لازم بين فتره و فتره يقعد مع نفسه و يجوف اهو وينه من نفسه و من كل شي حوله..
مابي أطول عليك بعد..
بس أحب أشكرك على هالبوست
و أنا متأكده أن أي أحد راح يقراه و كان حاس نفسه ضايع، راح يلقى طريجه لي داخله :)
يعطيك العافيه أخوي..
سـلام..
angel
من زمان عنج :)
طلتج بهية كالعادة ..
لا زيادة على ما قلتيه ..
شكرا على الزيارة :)
ناااااااااااصر
امبيي والله ما تدري شكثر اشتقناالك خيوو
انا موجوده قلتلك انه بسوي بلوقيي خاص و عطيتك ايميلي عشان ادزلي ايااا بس ما دزيته
mademoiselle_5rooofa@hotmail.com
هذا اهوو دزلي اياا و تامر امر خيووو
والله بلوقي و انا اشتقنا لطلتك عندني و زياراتك
salamz dear....
أنا وياك بهالشغلة ... فعلا ساعة وحدة تقعد فيها مع نفسك تحس انك كنت مقصر وايد بحق نفسك :) وأنك تستحق أن تعوض كل الي كان ناقصك .... هالشي راح يدفعك أن تكون شخصية يديدة حلوة .. تقدر فيها أنك تنجز الكثير .. خلك دايم جذي والأهم رضا نفسك بالأول وبعدين رضا الي حولك ...
ولكم باك
مساء الخير بونسوار ناصر:)
عجزت ارد عليك باي كلمة كالعادة مبدع وانا حاولت اتابعك كثر ماقدر بهالفتره :)
:)
تسلم اناملك
الي خطت كل حرف
وبوحك الي ينثر درر
والي قلته كله انا مريت فيه بهالفترة
:)وغبت شهوور كرمال بس اعرف
انا
فلانه
منو؟؟
وويني من هالدنيا؟؟
شنو اهدافي؟؟
شنو اهي شخصيتي الحقيقية؟؟
والخ....:)
المهم بس حابة اعطيك ايميلي ويا ليت تظيفني ضروري يا ناصر لان في كلام وايد ودي اقوله لك وان شائ الله بتعرف منو انا لان صارلي فترة غايبه وكان بودي اسال عنك
anyway
plz add me
lost-in-time@windowslive.com
أجمل
تحية وسلام
مرسلة مع باقة ورق ينبعث شذاها
في كل
أرجاء
بلوقك
الرائع
يا ناصر:)
سلام....
خروفة ما بغيتي تردين :@
المشكلة عطيتج ايميل غير الي مسجل في بالبلوقر :$
ع العموم انا ادز لج إيميل في ايميل البلوقر :)
سارة ..
رضا الناس مهم مرات .. صحيح ما نبيع نفسنا عشانهم لكن نضطر نتنازل مرات عشان نقدر نعيش معاهم ولا راح نعيش بروحنا !!
شكرا ع المرور ..
سمايل فيس ^_^
مساء الخيرات :)
كلام وايد حلو .. مشكورة و لا تقطعين عن البلوق :)
ثانكس كلكم
منورين والله :))
Post a Comment