المنبه يرن بأدب معلنا ساعة نهوضي للعمل ..
أفتح عيني بتعب أمسك الهاتف و أغلق المنبه ..
ألتفت بكل هدوء كي لا أزعجها .. كملاك تنام إلى جنبي محتفظة بإبتسامة البارحة !
اسند رأسي إلى راحتي و أسرح في وجهها ..
أي فضيلة عملت في دنياي حتى اجازى بها فتشبعها لي حبا و سرورا ؟
اقاوم نفسي ان لا اقبلها فتصحو !
فتفاجئني بأن ترسل لي قبلة دون ان تفتح عينيها !!
تضحك بطفوليتها المعتادة فهي تعلم اني اراقبها ..
تفتح عينيها و نظل نتأمل بعضنا بصمت..
اقترب منها بهدوء ..
احس بضربات قلبها تتزايد
و بأنفاسها تتصاعد !
وبكل الدفئ الذي بثته عيناها في صدري اهمس في أذنها ..
أحبج
na9ir
22 comments:
انا وياك نبض وقلب انا وياك نبض وقلب
اقوول اقووول كل عام وانت الحب:)
..
الله يا ناصر ما بعتئد في احلى من هيك..
العفويه الرومانسيه البساطه
اجتمعوا بهالبوست
الحب الجميل
بكل حرف من حروفه
وصباح الرقه والاحساس
صباح الحب ياروحي
:)الله عليك يا ناصر
لا هي بمجامله ولا شي
رائع كالعاده وانا سعيده باني اقرا بوحك من جديد من بعد غيبه
:)
الى لقاء قريب
وارسل لك من هنا
لهناك
حيثما كنت
باقه زهر من كل لون
ودي وتقديري
^_^
lost in time
ضائعه في الزمن
....
ناصر القصه صج؟؟؟
:"(
امانه قول صج عشان استانس لانه مو طبيعيه من قلب
عورت قلبيييي
ليش والله لا تسالني بس تازمت
salamz dear...
تصوير رائع للحب .... بس ماتوقع في جذي ... الحجي سهل وايد أو ساعات لمن ود الشخص بهالشي يكتبه ... واذا كان هالشي فعلا صار :D
فهالشي راح يسعدنا جدا جدا ... :)
كل الشكر لك على الكلمات الرومانسية تستحقها ...
تقبل تحياتي
lost in time
شكلج مضيعة الباسوورد مال أكاونتج :)
مادري شلون طلعت معاي هالكلمات صاير فيني كبت مو طبيعي من زمان مو كاتب شي و معصلجة معاي الأمور مو راضي اكتب شي !!
بس فجأة حسيت انه مزاجي اوكي بطلت الصفحة و كتبت الخاطرة بعشر دقايق و قعدت نص ساعة ادور صور p;
ميرسي ع المرور و الكومنت الرائع :)
خروفة ..
القصة من وحي الخيال او خنقول من وحي الأحلام الي كل يوم اقوم عليها الصبح !!
لوول سكتي يا معودة اليوم قمت الصبح و انا مصدق جان الف الصوب الثاني قلت يمكن احصل شي p;
سارة ..
كل قصص و خيالات الحب في العالم تحتاج لشخص مناسب لكي تتحول إلى حقيقة فقط لا غير !
مشكورين ع الكومنتس لا تقطعون :)
ولكم باك اخوي
شخبارك ؟؟
خوووووش قصه
الرومانسيه تنقط من البلوق :)
لوول اي عادي تصير وااايد وايد
ماتدري شكثر تمنيت الشي يكون صج
ياارب يرزقك بهالخيال ناصر تستاهل كل خيير خيو
salamz dear....
sahalt
تسلمين ع الكلام الحلو و لا تقطعينا :)
خرووفة ..
وانا قاعد اتمنى اكثر منج :)
و اللهم آآمين و أجمعين :)
زيارتي الأولى هنا .. غرقتني مشاعر رومانسية
الله يستر من الزيارة الثانية : ) حيل متشوقة لها :)
وايد عجبتني القصة
ياليت تكون صج
يعل ربي يرزقك بنفس هالصباح الحلوو
وبنفس هالريق الحلو من الشريك الثاني : ))
لوول شفيكم قاظبين علي القصة صج .. و القصة صج !!
والله مو صج !!
لو صج جان ما تلاقوني مجابل البلوق و قاع اكتبها جان تلاقوني قاع استمتع فيها كل يوم :)
شهد شكرا ع الكلام الحلو و ان شاء الله تعجبج البوستات الياية :)
و آآآآآآآميييين :)
so sweet!
to good to be true
تأخرتي سنعة عسى ماشر ؟
كل ما اشوف كومنت يديد اقول اكيد هاذي سنعة بس مادري شسالفتج متأخرة هالبوست !!
ومتشائمة بعد ؟!
ليش هالتشاؤم صدقيني مثل ما قلت من قبل ( كل قصص الحب و خيالاته تحتاج فقط إلى الشخص المناسب لكي تتحقق )
ما عجبتيني كلش !!
ما خبري التشاؤم من طبايعج ؟!؟
ويه ناصر سوري
ترا المشكله مو فيني انا كل يوم ادش على اللست مالت البلوقات
بس المشكله معظمهم يطلعولي المواضيع الاقدم
ترا انا مادريت انك حاط بوست ييديد الا لما حطيت بوستات شهر جولاي
كان يطلعلي بوستك قبل الاخير
وانا مو متشائمه بس مافي اشيا مثاليه جذيه
الواقع وايد غير
الدنيا تركض
الرومانسيه مالها وقت الا بالافلام والمسلسلات
وجايز باقلامنا
صح كلامك
القصص تحتاج الشخص المناسب
بس منو فاضي يدورة
او
منو بيصدق ان هذا الشخص المناسب
ويمكن
المناسب لك مايكون مناسب لاسرتك
وهم يمكن
ان المناسب يشوف غيرك انسب له
it doesn't depend on one side!
sn3a
have faith it's all what we have !
نـاصـر..
ما أرق و أجمل هذه الأحاسيس، و الخيالات..!!
في الحقيقة؛
قرأت كلماتك الجميلة مرات عديدة لشدة جمالها و روعتها، و شدة إعجابي و تأثري بها.. فلم أستطع "مقاومتها" !! :)
لأن...
كلماتك- كالعاده، تنسينا واقعنا... فنظل نسبح في مياهها العذبة... آملين أن لا نخرج منها أبداً
فلا شيء أجمل من الخروج من الواقع للحظات، و لو كانت قصيرة!
شكراً نـاصـر.. شكراً من القلب أخي الكريم
و الله يحققلك هالأحلام و كل أحلامك إن شاء الله :)
ملاك ..
دائما لحضورك تميز و جمال ..
لا تطولي علينا مرة ثانة :)
نطري هاليومين في قصة ان شاء الله تضبط عاد :)
take care
na9ir
the SWEETEST
SWEETEST
SWEETEST
SWEETEST
thing ever :D
allah ye5aleekum 7ag b3ath :D
الاخضر حلووو
يشرح النفس
ياااااااي اللون حلووو تغيير يونس
:D
salamz dear....
J o u j a™
لوول والله العظيم مو صج القصة مادري شسالفتكم فاصلين علي انتي و خروفة p;
عموما ثانكس ع الكلام الحلو و نورتي البلوق و
hope 2 see u again
سنعة ..
ميرسي من زاوئك p;
خروفة ..
لوول إنتي ما تدرين انا متعمد حاط هالثيل هاذا عشان تيبين خرفانج عندي يتغدون ويتعشون p;
take care all
na9ir
2 good 2 B true
wish U the best 2 last
:)
لوووووووووووووووووول ايي انا كل يومين ياي متفسحه في بلووقك
لالا بس صج وايد حلو لوول
مشالله
يعطيك خيرها و يكافيك شرها
:p
احم احم ولا شيقولون لووول
salamz dear...
LOL
sorry 3bali hatha 9ij ..
7asafa ,, ana glt mako chthe bel 9ij ;p
anyway allah yrzggik
Post a Comment