أذكرك في كل الأغاني و افقدك !
أذكرك في زوايا غرفتي..
كل زاوية لك فيها خبر ..
لك فيها قصة حِكتـَها بأطراف الخيال إلي إكتسى حب و ألم ..
بهالركن قصة هوى فيها نعيش بلاحزن .. وذاك الركن قصة غرام أعشقك فيها و وارجع أعشقك !
و ابقى اعيش بهالخيال ارفض اني انتحر ؟
إي أنتحر ! لأن الواقع الي ينقصك ماهو إلا إنتحار!
شنهي حياتي دون بسمتك ؟
سواد في سواد ..
و الحزن سيدها
و الآهات أغاني همها
و العذاب تارس يومها
و الموت اغلى أماني حلمها !
هاذي حياتي يا حبيبي دونك عشتها ..
هاذي حياتي يا حياتي دونك عفــتها !
لكني أدري يا حبيبي وش بإديني ؟ ولا بإيديك ؟
هاذا القدر ! ولعب فينا لعبة قهر !
جمعنا على الهوى و فرقنا على جمر الغظى !
قربنا من بعض وخلانا نحس إن الدنيا بدت فينا وإنتهت ..
ثم فرقنا عن بعض و وضاعت احلامي و إختفت!
أذكرك والله إني أذكرك ..
أذكر كل تفاصيلك و احفظك ..
افقدك في كل يوم ..
و أذكرك في كل شي يشبهك ..
طلة قمر ، رشة عطر ، بداخل الورد أذكرك !
ولا من غاب القمر و اشرقت شمس الصباح أضم وشاحك و أتنسم عبيرك و أذكرك !
افترش ذكراك و أتغطى بصورتك !
والي خلق كل هالحب .. إني أذكرك !
--------------
لم أعتد أن أعبر عن نفسي باللهجة الكويتية
ولكن كما كنت كويتية تعشقين هذا الوطن .. أهديكِ هذه الكلمات مليئة بعبق أرضها وأصالتها
--------------
N a 9 i R
12 comments:
:(
كلمات تينن و تعور القلب
تسلم ناصر على هالمشاعر
salamz dear...
na9ir ams greet kel your blog bga3da wa7da ma gdart agoom
bs dayman ttklam b7zen w kel 5wa6rik feha lmsat alam
el5wa6er elly tktbhom klam enta 3eshta mn gabel ??
wayed 7lwa mfrdatik
افقدك في كل يوم ..
و أذكرك في كل شي يشبهك ..
طلة قمر ، رشة عطر ، بداخل الورد أذكرك !
ولا من غاب القمر و اشرقت شمس الصباح أضم وشاحك و أتنسم عبيرك و أذكرك !
افترش ذكراك و أتغطى بصورتك !
والي خلق كل هالحب .. إني أذكرك !
ناصر
تدري شكثر قريت البوست
ورديت قريته
اتمناه مايخلص
واللي خلق كل هالحب اني اذكرك
تسلم ايدك
وبليز عاد مو تنطرنا كل سنه مره تنزل بوست
خروفة ..
دائما و أبدا منورة البلوق ،، شكرا ع الكلام الحلو :)
waterfall ..
مابي اعقد الإجابة بكل بساطة هالخواطر هاذي اهي المشاعر الي مو قادرة تطلع على لساني حطيتها بكلماتي !
حياج الله بالبلوق و مشكورة ع الكومنت و لا تقطعين :)
سنعة ..
مرورج له روعته و تعليقاتج تزيد البوست روعة :)
أرد و أقول آسف ع التأخير لكن شسوي انا مزاجي جدا و للأسف مزاجي كان شوي مضروب الفترة الي طافت :( لكن الله يعديها إن شاء الله ..
مشكورين كلكم
ناصر
هاي
بصراحة ناصر مادري شقول بوستاتك كل واحد أروع من الثاني بس هذا جبرني إني أكتب لك كومنت في جمال مو طبيعي و مشاعر حلوة
مشكور ع الكلام الحلو و الله يزيل عنك كل حزن ..
ههههاي والله جني عرفتك يا ناصر إذا الي إبالي ففعلا الكلمات هاذي مو غريبة عليك ..
أحلى تحية لك من سان دييغو :)
بو الجم :)
nasir waied 3jbtne hl5a6ra....
mn zman ma grait 5wa6rk w madri laesh 6ra 3la bale elyom ashofhm ... w ylaitne ma shfthm :(
thanx
Na9ir..
God knows [& you also know] that I really adore your writings & I truly believe that you are so unbelievably talented..
This time; you made 'lil changes in your style & worked!!
Your post was terrific, lovely, adorable, nice, brilliant, marvelous, wonderful, remarkable,... & I liked it so very much!!
I hope that your "mood" will get better very soon so we'll be able to enjoy reading more of your posts. :)
Thanks bro..
God bless you!
أول شي سوري ع التأخير كلكم ..
والله مادري شلون مستحمليني بس جد مو شي صاير انا ..
نورة ..
مشكورة ع الكومنت الحلو و ان شاء الله الياي يعجبج أكثر ..
جيمي ..
ماراح أرد عليك أنا أوريك p;
سارة ..
ثانكس ، وشدعوة ليش تحسفتي ؟
إينجل ..
وين هالغيبة البلوق فاقدج :)
كلماتج مازالت رائعة و و أثرج على كل بوست و خاطرة للحين يزيدها جمال و رونق ..
ثانكس على كل الكلام الحلو و إن شاء الله يكون البوست بمستوى كلامج :)
مشكورين كلكم و آسف جدا ع الإنقطاع ..
madree nasir thkrtni el5a6ra bashya 8deema ...
thanx anyway
كلاك جميل جميل
hello
shlonek
hope every thing is fine
Post a Comment