وايد ناس تعتبر ايام العيد الوطني و عيد التحرير من أحلى ايام السنة و ينطرونها نطرة عشان يستانسون فيها و يفرفشون !
و ع طبيعتي انا عكس الناس كل ما ياو اليومين يضيق خلقي و اصير مهموم ، بتقولون لي ليش ؟ وين وطنيتك ؟ وين حبك للكويت ؟
راح اقولكم ببساطة إذا حبي للكويت راح يكون بقوطي فووم و ستكر و بالون ماي ! فبلاه هالحب و بلاه هالوطن الي نعبر عن حبه بتحذف بيض !
وقت الإحتفالات اكون بالشاليه و اقعد بالبلكونة أطمش على هالأوادم وشسوون و شالخبال الي عايشينه !
و اقعد افكر ليش كل هالخبة و هالسوالف الي ما تصير بأي يوم ثاني بالسنة الا بهاليومين ؟
الجواب المنطقي انه هاليومين أهم العيد الوطني و عيد التحرير !
ضحكت على نفسي و على كل الي بالمسيرة و قعدت أقول ليش نحتفل بهاليومين ؟
طبعا الجواب لأن بالعيد الوطني إستقلت الكويت و صرنا دولة ! و بعيد التحرير تحررنا من الغزو و ردينا صرنا دولة حرة مرة ثانية ؟
فجأة صدمتني الحقيقة المرة !
وهي بأن 99.9 % من حضور المسيرة مو فاهم شنو يعني عيد وطني و لا عيد تحرير ، شنو يعني إنه يكون لك سيادة مستقلة و تكون لنا دولة مستقلة و ما نتبع أي دولة !
مو فاهمين شنو كان الغزو و جم طول الغزو ولا يعرفون جم شهيد ولا جم أسير راح بالمحنة ولا ليش غزونا ولا حتى التضحيات الي قدموها أهل الكويت عشان يتحررون !
ما أتوقع يفهمون شنو يعني دولة حرة ذات سيادة مستقلة و شلون أجدادنا و آبائنا ضحوا بالغالي والنفيس عشان تظل الكويت دولة حرة ذات سيادة !
اليوم يحتفلون بالعيدين و يلبسون أعلام الكويت و يشيلون الوانها ، وباجر يبيعون جناسيهم بالإنتخابات ولا يصوتون لفاسد معلوم الفساد بس لأنه من الأهل أو من الربع !
اليوم يحتفلون بالعيدين و باجر يفلون من الدراسة و يدورون واسطة يبون وظايف فيها مستقبل ؟
والله تمنيت لو يلغون الإحتفالات بهاليومين لأنها ببساطة إهانة لكل من ضحى بسبيل الإستقلال و لكل من عانى و إستشهد لتحرير الكويت
فعلا بأي حال عدت يا عيد ؟
عدت لنا بالفتن الطائفية و الي يشعلون هالفتن ويتنفعون منها !
عدت لنا بزمن بلطجية التجار و سياسية وسع لي و أوسع لك !
عدت لنا بحكومة الصفقات و المقايضات و المبادلات !
عدت لنا بجيل ما فهمك يا عيد ؟ وما عرف الغاية من ورائك !
شتان بين من كان يبكي حبا و فخرا عند سماع شادي الخليح و سناء الخراز يغنون للكويت !
وبين من يهز وسطه و يرش ( فومه ) عند سماعهما !
والله شي يضيق الخلق ..
انا إتخذت قرار اني إبتداءا من السنة الياية ماراح اقعد بالديرة في أسبوع عيدي الإستقلال و التحرير و ابعد عن كل هالمصخرة عشان ما اعور قلبي ..
و أحتفل فيهم ولو كنت بعيد !
بعيد عن ديرتي بجسمي لكنها دايما معاي بقلبي !
فديتج يا كويت :"(
13 comments:
ناصر ماشالله كل البوست اللي تكتبهم روعة. الصراحة للأسف أنا حسيت بنفس الحالة بالعيد لأنه نفس ما قلت الاحتفال مو بهل طريقه. مسويين عيدنا مصخره وهلاقه.
الله يحفظك و يحفظ الكويت يا رب
خيو
اهم لقوها فرصه يسوون كل شي
وعلقولتك
يمثلون حب الكويت ومايدرون شنو معناة الكويت
صج شي يقمت لما يحتلفون ناس بشي مايعرفونه
وكلامك كله عدل
من ناحيه الفساد الواسطات الطائفيه والفتن والصفقات المعلومه وغير المعلومه
ماعليه
تظل الغاليه
تظل الكوبت
ربي يحفظها
أخوي الكريم ..
طبعاً هذي ماكانت أول زيارة لي لبلوقك,
وكان من أول الBloGs إلي لاحظتها من
BloGsعرفت عالم الـ ! : )
.. آخر زيارة لي كانت أمس ,وكنت راح أعلق على البوست بس كنت مستعيله وقتها !
:
الـ عيد !!!!
كل إلي إنكتب مع الأسف حقائق لا يختلف عليها إثنين !
جد ,شنو كان بالنسبه لنا العيد الوطني قبل وعيد التحرير ! ماكان يطوف من غير ماتروح العايله كلها و تحتفل فيه !
:
أما اليوم ,تخيل صار "ممنوع" نروح !
و لو بتلاحظ ,الإحتفالت الحاليه ليست بيئة مناسبه للعوائل إلا بحضور ريال من العايلة ,هذا أولاً !
الأشياء الغريبه \التخريبات\وو إلخ !
أي إحفال ! ببساطه "تخريب" ..يعني على قولتك كل واحد ماسك فومه وبالون الماي !
:
و إلي حاصل إن المسيرات منعت لهالسبب ..
و الشرطه مو ملحقه معاهم !
أنا معاهم "نحتفل بوطننا" نحبه !
بس مع الأسف الأرحم إنك تحتفل في بيتكم! بلا ما ترجع كاسرين لك جامة السيارة :\ !
مو خوش شعور ,أنك تراقب الإحتفالات بوطنك من بعيد لي بعيد والسبب .. هاللويه إلي حاصله !
*آسفه ليش شطيت عن الموضوع شوي ,بس من الحرة :\ !
:
المصلحه الخاصة قبل العامة ,الواسطات والطائفية ..
بأي حال عدت يا عيد !!
يحر الحجي بكل معنى الكلمة !
الله يحفظ الكويت وشعبها ..
:
قواك الله إخوي ,
ومغازل الخير دوري : )
Bullet Symphony
ثانكس ع الكلام الحلو ..
و الله يعيد لنا ايام احتفالات اول :)
سنعة ..
وين هالغيبة اشتئنا لك :)
الله بعين ثانكس ع الكومنت اللطيف :)
لولو ..
يشرفني تكونين متابعة لبلوقي ، مريت بلوقج ماشاء الله عجيب و كتاباتج راقية و جميلة ..
احنا احتفالنا بالبيت يبنا كيكة عليها علم الكويت و لبسنا اليهال اعلام و خليناهم يغنون النشيد و وطني حبيبي و طبعا لازم خليتهم يغنون ( طاير من الفرحة طاير p; )
شكرا ع المرور الجميل و لا تقطعين ..
ثانكس كلكم والله يحفظ ديرتنا
take care
na9ir
مساء الخير
الموضوع حزين
من العنوان قبل القراءة
كل شخص حر بتصرفاتة
بس
الي باستطاعتة ان يخلق جو افضل
يحاول
وانت كلامك صح
الا انك تفر تهرب من الوضع
اخي ناصر
افكارك جميلة
صحيح
ان الاغاني الوطنية تهز المشاعر
وترسب الدموع في العينين
فمنها يجب ان تفكر ان تحدث الجيل الجديد بذك
لان كل ما يدور حولهم
ليس بالامكان تغييرة بسهولة
فهم لا يملكون الارادة لذلك
حدث اطفال العائلة عن الايام القديمة الجميلة
وايام تعاون الكويتيين اثناء الغزو
وغيرها
لنبدء بزرع مفهوم الوطن الصحيح
موفقين
منال ..
مرحبا بك في عالمي الصغير :)
لا اريد ان اتعمق بما لا يحمد عقباه و يثير حفيظة من يراقب حروفنا من خلف قوانين الإعلام الحر المزعومة !
ولكن إعلمي انه يوجد من المتنفذين من كانت تحنقه احتفالات العيد الوطني و التحرير بمعناها الحقيقي و تقلق مصالحه المشاعر الوطنية الحقيقة التي تثار في تلك الأيام السابقة ..
وحالنا اليوم انما هو نتيجة جهود حثيثة منه ومن اصنافه ليسلبو الشعور الحق بالوطن و يبدلوه بالرغبة في هز الاوساط و رش الفومات !
شكرا على زيارتك عزيزتي و عوديها :)
ناصر
تدري ناصر يايه امر اسال عنك من زمان مو مبين خيو و توني اشووف هالبوست
عورت قلبييي بس هونها و تهوون خيوو
طمني عليك
salamz dear...
خروفة ..
طلتك البهية تفرح القلب :)
آسف ع التأخير لكن شسوي صاير مزاجي متعكنن هالفترة :(
ثانكس و تيك كير
hii
شلونك ناصر وين مو مب من فتره
نااصر بغيت اقولك انا بغيت في بلوقي اشياء و بغيت اسالك اذا عادي اخذ ايميلك عشان اضيفهفي بلوقي و تقدر تزورني و تقرالي
اا عادي خو ذا ياقكالسؤال عادي و اله والله على راحتك يعني
slaz dear...
لوووول والله مافهمت شي من كلامج خروفة صايرة راعية بدليات هاليومين p;
راح أحط لج إيميلي ببلوقج :)
تيك كير :)
لوووووووووول شسوي ايدي تزلق على الكيبورد واايد و امبي مشكوور
بس لااا طول لنه التغييرات راح تصير اليوم بليل لوول
:P
salamz dear...
kl sna ma knt aro7 maserat....
hlsna r7t 3lshan ansa hmee sj '67kt 3la elawadm ... bs nsaet sort sh5s bglbe lan sorti mmso7a mn glbh
............
Post a Comment