قبل فترة زرت بلوق العزيزة خروفة ، وقريت لها بوست عن أمنياتها لسنة 2007 و الي تحقق منها و أمنياتها اليديدة لسنة 2008 !
و فكرت و سرحت شوي انا ونفسي :)
ولقيت إنه عندي أمنيات كثيرة بحياتي ، يمكن مو محددها بسنوات لاني ماحب أحكر نفسي بشي لكن عندي شغلات وايد أحس إني لازم أسويها شغلات مرتبطة ببعض القيم عندي و شغلات أحس إنها راح تخلي حياتي أحسن وشغلات أحبها !
عشان جذي راح أحط لكم لستة بالشغلات الي لازم أسويها بحياتي و ليش ..
1- ابي أتزوج ..
مابيها ملكة جمال ، مابيها متميزة وايد أبيها تحقق لي أحلامي بس !
عشت حياتي و مريت بتجارب وايد و دشيت بعلاقات و تعرفت على بنات ، لكن بالرغم من كل هالتجارب كنت دايما أحس إني ماراح ألاقي الحب الحقيقي إلا إذا تزوجت ، وكنت إذا شفت فلم ما أتأثر بمنظر واحد مع ( حبيبته ) كثر ما أتأثر بمنظر واحد مع زوجته حتى لو كان المنظر أقل رومانسية !
عندنا هني سهل إنك تلاقي وحدة حلوة و خلوقة و تتزوجها ، لكن الصعب إنك تلاقي وحدة ممكن إنها تعيش معاك الحياة مثل كنت تحلم و الأصعب إنك تخليها تحبك و تعيش معاها برومانسية !
هالشغلات تخليني دايما أحاتي منو راح اتزوج و شلون ألاقي البنت المناسبة !
2- أبي تصير عندي بنت !
بالطبع بعد ما أتزوج ودي أول مولود لي يكون بنت ، ودي أعيش الشعور لمن مرتي تقولي ( أنا حامل ) و اعيش الـ 9 شهور معاها ، و أتحمل ( مزاجها ) الي كل شوي يقلب p; !
أنطرها برة غرفة الولادة و أنا أحاتيها !
و اهم من كل هذا ودي أعيش الشعور إذا طلعولي بنتي و شلتها بإيدي و بستها !
3- أبي أنقذ حياة إنسان ..
كنت دايما معجب بالمسلسلات الطبية مثل ER و Gray's anotomy كنت وايد معجب بشعورهم إذا نجح واحد فيهم و أنقذ حياة إنسان ، أبي أحس بهالشعور ، و أشوف إنه الي سويته زاد بقيمة هالحياة الي اعيشها .
4- أبي أنقز إباراشوت من أعلى إرتقاع ممكن :) !
لا زم أسوي هالشي ، و مخطط أسوي عن قريب بس أخاف أدمن على الشغلة و أقعد أناقز من كل مكان :)
5- اتعلم إيطالي !
وايد أحب هاللغة و أستمتع و انا أسمعها ، عندي جم فلم إيطالي أشغلهم بدون ترجمة و أقعد أستمتع بالكلمات :)
6- احضر مبارة لريال مدريد بنهائي دوري الأبطال ..
أحب هالفريق و حضرت له مباريات من قبل لكن مبارة النهائي غير :)
7- أصير مدير شركة :
مو بس أصير مدير أبي أحقق شي كبير فيها و تصير من كبرى الشركات بالعالم مو بس بالكويت :)
8- اعيش بنيويورك :
مادري شكثر بس مو أقل من شهر ، هالمدينة لها سحر خاص و مع إني سافرت لها لكن ما تقدر تحس بهالسحر كسايح لازم تعيش فيها عشان تحس فيه !
9 و 10 شغلات مهمة بعد لكنها خاصة ودي أحتفظ فيها لنفسي :)
أتمنى أحقق هالشغلات بحياتي لاني أحس إنها صج راح تضيف لها شغلات وايد تخليها أحسن !
C ya all
&
take care
15 comments:
ناصر :)
أول 3 أمنيات، بصراحه، حدها واااو!!
تفاصيل الأمنيه الأولى لو اقراها بدون ماعرف منو كاتبها، على طول راح اقول انت :) لأنها صج تعبر عنك
الأمنيه الثانيه حدها رقيقه :)
و الثالثه.. قله من الناس يتمنونها!! لكنها توضح شغلات وايده عن الي يتمناها :)
و باجي الأمنيات.. منهم عجيبه و منهم غريبه و منهم ظريفه ;)
ان شاء الله 2008 تكون سنه خير عليك و تحقق فيها كل أمنياتك السعيده :)
يعطيك العافيه خيو :)
شكرا انك ما طولت علينا- كالعاده ;)
waitin' for ur next post
ماكو شي من اللي قلته صعب تحقيقه
وان شاء الله بتشوفه بالواقع
يمكن مو اليوم
باجر
يمكن مو هالسنه
اللي عقبها
right it down, make it happen
هالجمله حفظتنياها دكتوره بالجامعه
بيني وبينك
انا كتبت لحد الحين موسوعه
بس ماكو شي
happen
يمكن لأني مو مقتعه باللي ابيه
إينجل ..
لووول تصدقين وانا أكتب هالبوست و أول امنية حسيت إني سامع هالجملة من قبل بس قلت وين يا ربي وين !!
قمت أدور بالبوستات القديمة لقيت نفس الجملة بالضبط انا كاتبها من قبل ، لووول قمت أكرر نفسي الله يستر p;
ثانكس والله يحققلج الي ابالج بعد :)
سنعة ..
فعلا لمن تكتب الشغلات الي تبيها بحياتك تحس لها طعم ثاني وتحس إنك تقدر تحققها ..
مرت علي نفس الحالة الي انتي فيها وانا افكر بالشغلات الي ابيها بحياتي و كانت تمر علي شغلات احسها صح و مفيدة بس موقادر اكتبها و بعدين إكتشتف إنها شغلات الناس تعتقد إنها صح و مفيدة و تعبر عن النجاح بمفهود الناس طبعا بس هالشغلات مابيها بحياتي مع ان الناس مقتنعين فيها ، و وقتها عرفت شنو الفرق بين الشغلات الي ابيها و الي الناس تبيها مني !
لازم تعرفين هالفرق عشان تعرفين تحطين الأهداف الي تعبر عن رغباتك مو الي تعكس رغبات الناس :)
موفقة خيتو :)
na9ir
ناصر امبي امنياتك تونس
خاصه نيويور شكلي بضيفها من اللسته
و على الزواج تصدق حاسه فيك خاصه اني عايشه باحلام ورديه خايفه اتزوج و انصدمم بالواقع الاليم لوووول
بس يابختها الي بتكون من نصيبك ناصر احسك حنووون و قلبك كبير من امنيه تبي بنت
يارب تحقق كل العشر امنيات و فوقهم هم عشره
تستاهل كل خير خيوو
salamz dear friend...
خروفة ..
اففف حدة ضايقة فيني :( توه قاعد بالسينما و اطالع كل واحد داش مع مرته جان أذكر البوست !!
شكله من الحرة أول ما اتزوج أول 6شهور كل يوم سينما p;
اذا سكنت بنيويورك تعالي سكني معاي تصيرين الرووم مييت مالي عشان تدفعين معاي الأجار تدرين هناك غالية شققهم
p;
ثانكس خيتو :)
Buonasera N a 9 i R :)
مساء الخير بالايطالي: )
اول شي اتمنى انك بخير
واتمنى من كل قلبي ان امانيك تتحقق بهالسنه ان شاء الله
وكل احلامك باذن الله: )
والله يرزقك ببنت الحلال الي تسعدك وتخليك اسعد رجل بالدنيا
ويرزقك ببنوته حلوه نونو تفرح فيها وتشوفها احلى عروسه^^
انت لا تيأس مهما شفت الدنيا صعبه
او ان امانيك للحين ما تحقق شي منها
العمر جدامك: )والله
لا حياه مع اليأٍس تذكر هالشي
وخلك متفائل
May all your dreams and wishes come true!!!
وبالنهاية نقولك
الله يسعدك
&
thanx
موفق يارب^^
Grazie شكرا: )
اني طولت عليك بالكلامScusi
باي Arrivederci: )
بصيريك ساحرة خير و بحققلك اللي تبي
ههههه
1- الزواج = حط اسمك عند خطابة
2- البنت = مشروع تحديد النسل و راجع الجدول الصيني :))
3- انقذ حياتي :) أبي باسكن رووووبنزززززززز :(((
و احس امنياتك مقدورة عليها دليل على قناعتك في الحياة
يا بخت اللي بتاخذك :)
موفق
!܉܈*™܇܆܅°PearLa°܉܈*™܇܆܅!
ثانكس ع الكلام الحلو :)
اقولج شي ما قلته حق أحد من قبل !
مرات إيني إحساس إنه حياتي كلها راح تكون حلوة أحس إني راح أحقق اشياء عظيمة و اسوي كل شي أبيه ! هالشعور إذا حاشني بيوم يكون من احلى الأيام !
ومرات يحوشني شعور اسود و احس إنه كل قربت نهايتي كان أرحم لي !
و لكن أغلب حياتي أعيشها بين هالشعورين بين ثقتي بمستقبل مزهر و خوف من فشل مرير و مثل ما يقولون إن هالشعور هو ( منطقة الإنجاز ) :)
乂♥Not.ViRGo♥乂
لوووول
لا لا يحوشج خطابة حق العوانس p;
لا انا بركب حصاني الأبيض و بروح مرسى سوق شرق أنطر أميرتي p;
حرام عليج شنو باسكن روبنز بهالبرد قلبي ما يطاوعني يصير فيج شي بعدين امج تدعي علي p;
ثانكس كلكم و تيك كير :)
na9ir
العفووو ولو: )
ناصر انا الي بقولك شي
تدري ان الشعور الي قلت عنه الي اهو لما تحس ان كل ما قربت نهايتك احسن
وتحس شعور اسود
وان الدنيا ظلمه ومو قادر تسوي شي ياست خلاص!!
بسبب هالشعور انا بديت اغير حياتي !!والحمدلله حاسه براحه واقتناع بس للحين في شي ناقصني الله واعلم شنو
لكن الواحد لازم يتحرك لازم يبذل كل ماعنده عشان يوصل لاحلامه وامانيه
ولا تنسى احلى شي القناعه
اقتنع بالي عندك بس هم بعد لا توقف بمكانك وتقول والله ليش انا حظي جذي ليش ما يتحقق شي بحياتي ليش وليش وليش
واسئله كثيره!!
شلون تبي كل شي يصير وانت قاعد ولا تتحرك!!
لازم يكون لك دور بتحقيق احلامك وطموحاتك
انا مريت والله بظروف صعبه باشكال كثيره
ونفسيتي تعبت لفتره طويله جدا
بس قعدت بيني وبين نفسي وفكرت وقلت لمتى بتم جذي لازم اتحرك اسوي شي اغير حياتي اعطيها طعم ولون ثاني
والحين صج ما وصلت لاشيا كثيره ابيها
بس قاعده ابتدي بالتغيير وماشيه الحمدلله ومرتاحه
طبعا مهما قلت للحين ببالي احلام ودي احققها وشغلات ودي تكون بحياتي بس مو بايدي ولا غصب اقدر اييبها
لكن نقدر نقول العمر جدامنا
ماندري يمكن اتيي ويمكن لا
:)
عالعموم خلك دوم متفائل
وتحرك
عشان تحقق احلامك
اتمنالك السعاده والله يوفقك ان شاء الله
اني طولت عليك بالكلامScusi =]
دمت بكل خير
..
بيرلا ...
ماحب ولا اعترف بالقناعة ! القناعة حسب المفهوم العام اهي الحدود الي نحطها حق نفسها بعذر إنه ما نكون طماعين !
هذا غلط ، هذا معناه انه نحط لنفسنا نهاية و نقول كافي و انا شخص أكره القيود :)
عموما هالشعور بالعجز و الضيقة اشـوف إنه مفيد فهو يردنا للواقع كل ما طارت فينا احلامنا بعيد عنه :)
ثانكس ع الحوار الممتع و لا تقطعين ..
مساء الخير
ناصر انا ما قلت ان الواحد يقتنع بالي عنده ويوقف خلاص عند هالشي
وما يجرب اشيا ممكن تخليه احسن واحسن
لاحظ كلامي لما قلت(اقتنع بالي عندك بس هم بعد لا توقف بمكانك وتقول والله ليش انا حظي ...الخ)
حلو تقتنع لشي وصلته ومرتاح فيه بس يعني الواحد بمقدوره انه يصير الي بباله واحسن لو يقدر وباستطاعته يكمل
و مو اقعد بمكاني واقول يا ترى لو جربت هالشي بيصير؟؟
يا ترى هل بنجح ويا ويا واميه الف تساؤل
خل اجرب واشوف!!
واتحرك واشتغل بلا حدود
يمكن احقق شي من احلامي
ويمكن احقق احسن من ما كنت اتوقع!!
ماندري: )
عالعموم
انا اشكرك على تجاوبك وردك على كلامي
والسموحه طولنا بالكلام
وان شاء الله لنا عوده اكثر
بمواضيعك ونثرك
الجديد
باي وقت: )
دمت بكل خير
بيرلا
فقط اردت ان القي التحية
واسال
كيف تحقيق الامنيات
الى الان
:)؟؟
كون بخير ناصر:)
~~
بيرلا
غن شاء الله تتحقق أُمنياتِكْ =) ..
و الأهم تلقى إللي تفهمك ْ .. و تعيشْ و كانها .. روحكْ ..
إن ما كانت ْ .. " روحكْ " ..
حلوه امنية البيبي والحمال ْ .. =) ..
الله يحقق لك كل أمانيك ..
انشالله تحقق امنياتك وقريب وتلقى فارسة احلامك :)
الغريب بالموضووووع ان اول مرة ريااااااااال يتمنى إن تكووون عنده بنت مو ولد :) شي وايد حلووو ونسني مادري ليش ..
بيرلا ..
السعي مستمر و الأحلام تتكرر و الأمل باقِِ :)
turquoise...
الله يسمع منج آمين ..
ثانكس ع المرور :)
sara ..
تصدقين مو أول مرة أسمع هالكلام بس مادري ليش احس البنت احلى و اونس و احن من الولد ، انا ابيت خوالي كل بنات خوالي وخالاتي يحبوني و الصبيان يكرهوني من كثر ما أعطي البنات ويه و أدقر الصبيان p;
ثانكس ع المرور الجميل :)
take care all
na9ir
Post a Comment